Listen here: BBC Radio Jersey Voices
En Jèrriais
Bouônjour bouonnes gens, ch’est Marianne Sargent ichîn auve la lettre Jèrriaise chutte s’maine. J’espéthe qu’ous êtes en bouonne santé et à c’menchi dé joui d’la libèrté en Jèrri. J’ai réalisé qu’j’sis définnitivement ‘risk averse’, comme la Député Jess Perchard dit, et jé m’sis absenté ès espaces publyi et par-dédans si ch’est possibl’ye.
Harô a ‘té à l’êcole d’pis quat’ s’maines achteu et il a ‘té hardi heutheux. Il a ‘té pus content d’pis qu’il a peu pâsser l’temps auve ses anmîns. L’aut’ jour, j’li d’mandi s’il attends fêtes ès vacanches et i’ m’dit qu’i’ préfethéthait rester à l’êcole! Heûtheusement, i’ y’a des clobes duthant les vacanches et j’avons applyitchi pouor Harô à faithe d’la pédal’lie, aerial trekking (comme disent l’s Angliais) et aller à la grève. Ches activités là devront lé garder embarrassé et heutheûx!
Malheûtheusement, l’êtchipe du Jèrriais n’a pon ieu accès ès êcoles chu tèrme chîn. J’éspéthons qué j’pouvons entrer l’s êcoles au mais d’Septembre, quand j’éspéthons ensîngni l’s êfants fache à fache. Dans l’entrétant, j’avons ‘té à graie les léçons en vidgo et l’s envyer ès êfants par email. Ou pouvez vaie ches leçons. I’ sont sus not’ site d’Ithangnie. Èrgardez souos les sections ès êcoles prînmaithes et s’gondaithes à ‘online learning’.
J’soulais travailli siez nous pa’ce qu’j’tais eune êcriveuse pouor d’s années d’vant qu’j’èrtouônni à ensîngni. Don j’ai joui dé travailli siez nous d’pis un mais. J’sis à motiver d’travailli toute seule et j’crais qu’ch’est bein aîsi à compliéter man travas à l’heuthe. Ch’est contre man tchoeu à r’touônner à l’office où’est qu’jé d’veins pèrdue. J’n’manque pon les blios d’trafi et la galvaûd’die. J’sis à aimer l’éspace d’embarrée; la trantchilité et mains d’gens par les c’mîns, dans les supermarchièrs et en Ville. Les temps quand Harô à c’menchi et fini l’êcole sont changis étout, et j’aimes les heuthes. J’ai réalisé qu’j’aime bein la vie paisibl’ye.
Et j’n’sis pon toute seule. L’s annimaux et les ouaîsieaux sont hardi contents étout. Les fôss’lées flieuthissent et les ouaîsieaux sont à affliotchi éyou qué j’mettons des graines pouor les souongni tout près d’éyou qué j’stâtionnons nos motos. J’ai veu d’s êtchutheurs à couorre à travérs ès trouttouaithes à Highlands et des lapîns sauter sus l’c’mîn pouor les bikes à Ste Mathie. La natuthe a fleuri sans les gens.
J’n’accepte pon la nouvelle normale mais j’n’veurs pon èrtouônner à la vielle normale. Achteu, i’ y’a d’l’opporteunité à c’menchi un futur pus sain auve d’espace pouor l’esprit et la vie, et l’heuthe d’explôrer not’ belle île dé Jèrri. Ch’t’ êté ‘chîn est bein pouor c’menchi. Don, duthant les vacanches, j’m’en vais d’houors et marchi sus les c’mîns d’falaises Lé Tas du Nord, et alentou les vaîsinées d’ Ste Mathie et St Ouën spécialement.
J’éspéthe qu’ou pouvez aller d’houors dans l’solé et joui d’l’êté etout. J’attends fête à vos vaie quand j’pouvons nos rencontrer acouo. À la préchaine fais. Prennez soin dé vous mêmes et j’vos envyie mes milleurs voeux. À bi pouor achteu.
In English
Hello everyone it is Marianne Sargent here with la lettre Jèrriaise this week. I hope you are all well and starting to enjoy your new found freedom. I have realised that I am definitely risk averse, as Deputy Jess Perchard put it, and so am still keeping out of public and shared indoor spaces as much as I can.
Harry has been back at school for four weeks now and has been absolutely loving it. He has been so much happier since he has been able to spend time with his friends. I asked him the other day if he was looking forward to the summer holidays and he said he would rather stay at school. Luckily there are some summer clubs running through the holidays and we have signed him up for cycling, beach activities and aerial trekking! That should keep him busy and happy!
Unfortunately, the Jèrriais teaching team have been unable to go back into schools this term. We are keeping our fingers crossed for September though, when we hope to be back in delivering face-to-face lessons. In the meantime, we have been creating video lessons and sending them to the children to do at home. You can see what we have been creating by visiting the Learn Jèrriais website and looking under the primary and secondary school sections at ‘online learning’.
I worked as a self-employed writer for many years before I returned to teaching and so have enjoyed the past month working from home. I am a self-motivated person and have not problem setting and meeting my own deadlines. I am reluctant to return to an office environment, where I am much less productive. I definitely do not miss the morning rush hour traffic and frantic school runs. I am enjoying the space that lockdown has created; the quieter roads, the less busy supermarkets and the slower pace of life. The staggered start and finish to the school day as been great for me. I have realised I am very much in favour of a quiet life.
And I am not the only one who appears to have benefited. The hedgerows have bloomed, the bird feeders in our parking area have been inundated. I have seen squirrels running round Highlands Campus and rabbits on St Mary’s cycle track. The natural world has flourished in human absence.
I am having trouble accepting the new normal, but at the same time I really do not want to go back to the old normal. Now would seem like a good time to carve out a much healthier future with more personal space and time to explore Jersey’s beautiful natural environment. This summer would seem a good time to start. So I am very much looking forward to getting outdoors over the holidays. I’m planning on walking the northern cliff paths and especially around St Mary and St Ouen.
I very much hope you all manage to get out and enjoy the summer as well. I look forward to seeing you when we are able to meet up again. Until the next time. Take good care of yourselves and stay safe. Goodbye for now.