Listen here: BBC Radio Jersey Voices
En Jèrriais
Bouônjour bouonnes gens. Ch’r’est mé, Marianne Sargent, tchi vos présente la Lettre Jèrriaise chutte sémaine. Aniet, j’m’en vais pâler entouor l’anmîn à man fis Pièrre.
Quand Harô avait deux ans, j’bouôjîmes au bieau village dé Chinley dans la Peak District à Derbyshire pouor d’meuther près d’la fanmil’ye à Ged.
La soeu à Ged vînt à Bradford pouor ramâsser not’ meubl’ye dans eune tchéthiot à j’vaux. Après tout l’jour à chèrgi tout et un viage dé deux heuthes sus les routes, j’arrivînmes dans la néthe niét à not’ nouvelle maîson au but d’eune terrase tch’est à coté d’la lîngne du train. Appathemment, la terrase avait ‘té bâtie au tou du drein siècl’ye pouor lé louogement pouor les ouvrièrs du c’mîn d’fé.
Dépis chent ans la stâtion d’Chinley ‘tait un arrêt mâjeur sus la lîngne dé Londres et Midlands à Manchester auve chîn pliate-formes et quat’ lîngnes. Au jour d’aniet la stâtion n’en a qu’deux. Quand Harô ‘tait hardi p’tit j’soulêmes marchi au haut d’la rue et j’touônnêmes à drouaite à un pont tchi travèrsait la lîngne et j’levêmes nos bras ès trains tchi pâssaient. Si un câcheux l’vait lé bras ou pîmpait, Harô aimait chenna hardi bein.
Après j’èrmuînmes au r’nouvé j’prîns Harô et jé joingnîmes la groupe locale des pathents et les mousses au centre d’la communité. Jé n’avais jamais ieu eune telle beinv’nue! Dans eune heuthe j’fis d’s anmîns avec eune dgaîngue dé femmes et gângni la responsabilité pouor la groupe des touos p’tits! Harô fit d’s anmîns vite avec lus êfants, et, en partitchulyi, un p’tit garçon nommé Pièrre, tch’aimait les trains étout, et qui d’meuthait dé l’aut bord d’la lîngne.
Dépis neuf ans et chînq années aprés qué j’èrmuînmes en Jèrri, j’compte acouo ches femmes comme mes miyeuthes anmînnes et j’continnuons à Zoomer châque vendrédi au sé. Harô est acouo anmîns auve lus êfants et duthant l’embârrée quand j’n’pûnmes pon nos rencontrer pouor s’n annivèrsaithe, i’l’ joingîtent en lîngne pouor jouer des gammes. Harô et Pièrre sont grands anmîns spécialement et i’ WhatsApp et jouent des gammes sus lus ordinateurs quasiment touos les jours.
Àpres la nouvelle année en mille neu chent neuf quand Pièrre avait huit ans, i’ fut prînt auve un cancèr d’êfants nommé Neuroblastoma. La teunmeur ‘tait sus s’n êpinne et li’causait du damage. J’peux dithe întègrément, j’n’ai janmais recontrer autchun si brave, et positif comme Pièrre. I’ souôriait duthant les întèrminnabl’ye ronds du chemotherapy et il’apprennait comment faithe sèrvi eune tchaise à reue et i’ s’ammusait à faithe des triques. Épis, après un an dé traitement Pièrre sonnit la clioche dé l’hôpita au mais d’Févri deux mille vîngt.
Malheutheusement, siêx mais pus tard lé cancèr èrv’înt et chutte fais ch’est metastatic High Risk Neuroblastoma, tch’est complyitchi et hardi difficile à traiter. À chu moment il est à aver du traitement avec lé NHS et la maladie est stabl’ye. L’idée est dé gangni remission et l’entrét’nîn. Tout comme, i’ n’peut pon aver touos les traitements pouor chu cancèr là sus l’NHS et lé traitement à l’avnîn pouorrai êt’ donné en Améthique ou Espangne tchi couôtre des chents milles dé sous.
Don, Harô et mé sont à participer à la callenge dé trente baies en trente jours duthant lé mais d’Juilet. J’avons fait eune donâtion à Jersey Hospice Care et au National Trust don les sous d’la callenge dé trente baies s’en vont êt’ donnés à la cause pouor Pièrre.
Si ous voulez nos aidgi à supporter la cause à Pièrre, chenna nos f’thait grand pliaisi. Ou pouvez lé faithe en lingne à www.solvingkidscancer.org.uk/fundraisers/30-bays-in-30-days. Et j’ai eune forme avec mé qu’ou pouvez singner. Mèrcie bein des fais.
À la préchaine fais. Prennez soin dé vous même. À bi pouor achteu.
In English
Hello everyone. It is me again, Marianne Sargent, with your Lettre Jèrriaise this week. In this letter I would like to talk about my son’s friend Peter.
When Harry was two-years-old Ged and I moved to the lovely village of Chinley in the Derbyshire Peak District to live nearer to Ged’s family.
Ged’s sister came over to Bradford to pick up our furniture in a huge horse box. It took nearly a full day to load everything and at the end of a two-hour drive we arrived in the dark at our new end terrace house that backed onto the railway line. Apparently the terrace had been built at the turn of the last century as accommodation for the railway workers.
One hundred years ago Chinley Station was a major stop on the London and Midlands to Manchester line with five platforms and four tracks. Nowadays the station has just two platforms. When Harry was really small we used to walk to the top of our road and turn right onto a humped back bridge that traversed the railway and wave at the trains passing through. Harry loved it if a driver ever waved back or sounded the horn.
In the spring after we moved I took Harry to the local parent and toddler group at the village community centre. Never in my life have I experienced such a warm welcome. Within an hour I had made friends with a group of women and taken on responsibility for running the toddler group! Harry quickly bonded with all their children and, in particular, one little boy called Peter, who also liked trains.
Nine years later and five years after we moved back to Jersey, I still count these women as my closest friends and we continue to Zoom every Friday evening. Harry too is still close to their children and over lockdown when we were unable to have a birthday party for him, it was them that joined him for online party games. Harry and Peter are especially close and regularly WhatsApp and game online together on a near daily basis.
Just after new year in 2009 when Peter was eight years old, he was diagnosed with a childhood cancer called Neuroblastoma. His tumour caused a spinal cord injury. I can honestly say I have never met a person as brave, resilient and positive as Peter. He smiled through endless rounds of chemotherapy and took on the use of a wheelchair with a mindset framed around what types of tricks he might be able to achieve. After more than a year of treatment Peter rang the hospital bell in February 2020.
Unfortunately, six months later Peter’s cancer relapsed and this time it is metastatic High Risk Neuroblastoma, which is complicated and hard to treat. He is currently undergoing treatment via the NHS and his disease is stable. The ultimate aim is to achieve remission and then maintain it. However, many of the treatments for this type of cancer are not yet available on the NHS and future treatment could include a clinical trial in the USA or Spain, which costs hundreds of thousands of pounds.
So we are fundraising. Harry and I are participating in the 30 Bays in 30 Days challenge during the month of July. We have made a donation to Jersey Hospice Care and the National Trust in lieu of the sponsorship money, which this year we would like to go to Peter.
If you would like to sponsor us, we would be very grateful. You can do so online at www.solvingkidscancer.org.uk/fundraisers/30-bays-in-30-days. I will also be carrying a sponsor form around with me to the various events that will be happening in the coming months.
Until the next time everyone. Take good care of yourselves and stay safe. Goodbye for now.